ᐅᖃᓕᒫᒐᐃᑦ ᐅᖄᓚᐅᑎᓯᐅᑎᕕᓃᑦ ᐊᑐᕈᓐᓃᑦᑐᑦ ᐊᑐᒐᒃᓴᒃᑲᓂᐅᔪᓐᓇᕐᓂᖏᑦ

ᑕᐃᒪᖓᓂᒃ ᐊᕐᕋᒍᒥᒃ 2002-ᒥᒃ, ᐅᖃᓕᒫᒐᐃᑦ ᐅᖄᓚᐅᑎᓯᐅᑎᕕᓃᑦ ᐊᑐᒃᑲᓐᓂᕈᓐᓇᕐᓂᖏᑦ ᓄᐊᑦᐅᐊᔅᑎᐅᓪᑯᓐᓄᑦ ᐊᖅᑯᑎᒋᔭᐅᖃᑦᑕᖅᓯᒪᕗᑦ ᓄᓇᓕᖕᓄᓪᓗ ᓴᖅᑭᐅᒪᑎᑦᑎᓗᑎᒃ ᑲᒻᐸᓂᖓᑕ ᐃᓅᖃᑎᒌᒃᑐᓂᒃ ᑲᒪᔨᐅᑦᑎᐊᕋᓱᐊᕐᓂᖏᓐᓂᒃ ᐊᑐᕈᓐᓃᖅᑐᓂᒃ ᐅᖄᓚᐅᑎᓯᐅᑎᕕᓂᕐᓂᒃ ᓄᓇᓕᖕᓂ ᐊᒃᑕᑯᓄᐊᖅᑕᐅᖏᖔᕐᓗᑎᒃ ᐊᑐᒃᑲᓐᓂᕈᓐᓇᖅᓯᑎᑕᐅᓪᓗᑎᒃ ᐊᕙᑎᒥᒃ ᓱᕈᐃᕙᓪᓕᐊᑦᑕᐃᓕᔪᒪᓂᕐᒧᑦ ᒪᓕᒐᖃᕋᒥᒃ, ᐃᑲᔪᕋᓱᐊᕐᓂᖏᓐᓂ ᐅᑭᐅᖅᑕᖅᑐᒥ ᓄᓇᓕᖕᓂ.

ᐃᓕᓐᓂᐊᖅᑐᑦ, ᐃᓕᓴᐃᔨᓪᓗ, ᐃᖃᓇᐃᔭᖅᑏᓪᓗ ᔪᑳᓐᒥ, Bᐅᕆᑎᔅ ᑲᓚᒻBᐃᔭᐅᓪᓗ ᐅᐊᖕᓇᖓᓂ, ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᑲᑎᖅᓱᐃᕙᒃᑐᑦ ᐊᑐᒃᑲᓐᓂᒐᒃᓴᕈᕐᓂᐊᖅᑐᓂᒃ ᐅᖄᓚᐅᑎᓯᐅᑎᕕᓂᑐᖃᕐᓂᒃ ᑲᑎᖅᓱᖅᑕᐅᕙᒃᓱᑎᒃ ᐱᖃᑎᐊᓗᒋᔭᐅᕙᒃᑐᓂᒃ, ᐃᓄᐃᑦ ᐃᒡᓗᓖᑦ ᓴᓂᓕᕆᔭᐅᔪᓂᒃ, ᓇᖕᒥᓂᓕᖕᓂᒃ ᐊᒻᒪᓗ ᒐᕙᒪᒃᑯᑦ ᐃᖃᓇᐃᔭᕐᕕᖏᓐᓂᒃ. ᓄᐊᑦᐅᐊᔅᑎᐅᓪᑯᑦ ᐃᓕᑕᖅᓯᓲᖑᕗᑦ ᐃᓕᓐᓂᐊᕐᕕᖕᓂᒃ ᐊᒥᓲᓂᖅᐹᖑᔪᓂᒃ ᑲᑎᖅᓱᐃᓯᒪᓂᖏᓐᓂᒃ ᐅᖄᓚᐅᑎᓯᐅᑎᕕᓂᕐᓂᒃ ᑮᓇᐅᔭᖅᑖᖅᑎᑕᐅᕙᒃᓱᑎᒃ ᑐᕌᖓᔪᓂᒃ ᐃᓕᓐᓂᐊᖅᑐᓄᑦ ᐊᐅᓪᓛᕈᑎᒃᓴᓄᑦ, ᐱᖁᑎᒃᓴᖏᓐᓄᑦ, ᐅᖃᓕᒫᒐᒃᓴᖏᓐᓄᑦ ᐊᒻᒪᓗ ᐃᓕᓐᓂᐊᕌᓂᒍᑎᒃᓴᖏᓐᓄᑦ ᖁᕕᐊᓲᑕᐅᓂᕐᒧᑦ ᐊᒻᒪᓗ ᐃᓕᓐᓂᐊᕐᕕᐅᑉ ᓯᓚᑖᓂ ᖃᓄᐃᓕᐅᕈᑎᒃᓴᖏᓐᓄᑦ. ᐊᒻᒪᑦᑕᐅᖅ, ᓄᐊᑦᐅᐊᔅᑎᐅᓪᑯᑦ ᑐᓂᓯᓲᖑᖕᒥᔪᑦ $200-ᓂᒃ ᐃᓕᓐᓂᐊᕐᕕᖕᒥ ᐳᓴᓐᑎᑎᒍᑦ ᐊᒥᓲᓂᖅᐹᖑᓯᒪᔪᓂᒃ ᐊᕐᕋᒍᒥ ᓯᕗᓂᖓᒍᑦ.

2018-ᒥ, ᐅᑭᐅᖅᑕᖅᑐᒥ ᐃᓕᓐᓂᐊᖅᑐᑦ ᑲᑎᖅᓱᐃᓯᒪᓚᐅᖅᑐᑦ ᐅᖓᑕᓃᑦ 197,000-ᓂᒃ ᐅᖄᓚᐅᑎᓯᐅᑎᕕᓂᕐᓂᒃ, ᑮᓇᐅᔭᓕᐅᕈᑎᒋᓪᓗᓐᓂᒋᑦ ᑕᒫᓂ $290,000-ᓂᒃ ᐃᓕᓐᓂᐊᕐᕕᖕᒥᓄᑦ. ᓄᐊᑦᐅᐊᔅᑎᐅᓪᑯᑦ ᖁᔭᓕᓯᒪᑦᑎᐊᖅᐳᑦ ᓄᓇᓕᖕᓂ ᒐᕙᒪᐅᔪᓂᒃ ᐅᓯᔨᐅᕙᒃᑐᓂᒡᓗ ᑲᒻᐸᓂᐅᔪᓂᒃ ᑕᒪᒃᑯᓂᖓ ᑲᔪᓯᑎᑦᑎᓐᓇᕈᓐᓇᑐᑦ ᐊᕐᕋᒍᒐᓴᐅᓕᖅᑐᓂ. ᑕᑯᔪᒪᒍᕕᒋᑦ ᐃᓚᐅᓚᐅᖅᑐᓂᒃ ᐃᓕᓐᓂᐊᕐᕕᖕᓂ ᐊᕕᒃᑐᖅᓯᒪᓂᔅᓯᓐᓂ, ᑕᑯᒋᐊᕐᓂᐊᖅᐸᐃᑦ ᐅᓇ ᖃᕆᑕᐅᔭᒃᑯᑦ ᑐᕌᕈᑎᓕᒃ​ nwtel.leafsolutions.ca.

Directory Recycling Program